Çeçenistanın baş nazirinin müavininin oğlu İnquşetiyada güllələnib

İnquşetiyada Çeçenistan hökumətinin sədr müavini Vaxit Usmayevin oğlu Rəsul yol münaqişəsində yaralanıb.

“Qudermes rayonunun Məşğulluq Mərkəzinin 32 yaşlı rəhbəri, həmçinin Çeçenistan sədrinin müavini Vahid Usmayevin oğlu Rəsul öz mikroavtobusu ilə ailəsi ilə evə qayıdırdı. Birdən arxadan başqa bir avtomobil peyda oldu və faralarını yandırıb-söndürməyə başladı “deyə Baza xəbər verir.

Maşınlar yolun kənarında dayandı. Sürücülər məsələni həll etmək qərarına gəliblər. Ona yol verilmədiyinə əsəbləşən sürücü  Usmayevə bir neçə dəfə atəş açıb. Zərərçəkmiş döş qəfəsindən və qolundan yaralarla xəstəxanaya çatdırılıb.

“Usmayevin çoxsaylı qohumları, o cümlədən hörmətli Vahid Abubakaroviçin özü silahlı şəxsin yanına gəlib. Çeçenlər bütün dəlilləri toplayıb, bütün halları qeyd  edərək, İnquşetiyaya ötürüblər. Orada cinayət işinin başlanması məsələsi həll olunacaq”, – deyə məlumatda bildirilir.

Məlumata görə, hadisə İnquşetiyanın Yandare kəndi yaxınlığında, Kavkaz şossesində baş verib.

Usmayev hazırda evdədir.

Daxili İşlər Nazirliyi hələlik hadisə ilə bağlı açıqlama verməyib.