Əhalinin Nəzərinə: Günəşdə güclü partlayışlar qeydə alınır. Ehtiyatlı olun.

Alimlər ardıcıl dördüncü gündür ki, güclü günəş partlayışlarını qeydə alır.

 İctimairey.az Fizika İnstitutunun Günəşin Rentgen Astronomiya Laboratoriyasının saytına istinadən xəbər verir ki, ardıcıl dördüncü gündür Günəşdə silsilə alovlar müşahidə edilir.

Dekabrın 14-dən alimlər 34 C sinfi məşəl qeydə alıblar. Dekabrın 17-nə keçən gecə daha güclü M sinfi məşəl qeydə alınıb. Günəşin aktivlik indeksi narıncı səviyyəyə qaldırılıb.

Cümə axşamı səhəri  C sinfi məşəllə əlaqəli tac kütləsinin atılması baş verib, lakin qeyd edilir ki, kütləvi atılma Yerə doğru yönəlməyib.

Məşəllər gücdən asılı olaraq təsnif edilir: A, B, C, M və X. Rusiya Elmlər Akademiyasının P.N.Lebedev adına Fizika İnstitutunun Günəşin rentgen astronomiyası laboratoriyasının rəhbəri Sergey Kuzinin izah edir ki, yer üzündə maqnit qasırğasına səbəb olan günlər ola bilər.

Zəif partlayışlar enerji sistemlərinin işində kiçik fasilələrə və quşların,  heyvanların miqrasiya yollarına təsir göstərə bilər. Daha güclü olanlar isə, qısadalğalı rabitə və naviqasiya sistemlərinə, həmçinin sənaye şəbəkələrində gərginlik artımına səbəb ola bilər.