Bayden; Bütün dünya liderləri mənim yerimdə olmaq istəyir

ABŞ prezidenti Bayden bir çox ölkələrin liderlərinin onun yerində olmaq istədiyini bildirib

ABŞ prezidenti Co Bayden əmindir ki, dünya liderlərindən heç biri onunla iş mübadiləsi aparmaqdan imtina etməyəcək. O, bu barədə NBC-də əyləncəli televiziya şousunun efirində danışıb.

“Çin və Rusiya liderlərindən tutmuş, hər kəsə qədər, mənimlə yerini dəyişmək istəməyən, bir dünya lideri tanımıram” – Bayden deyib.

Prezidentin sözlərinə görə, bu, ABŞ-ın digər ölkələrlə müqayisədə, “ən əlçatan olması, bizim daha çox potensialımız, daha çox elmimiz, texnologiyamız və ləyaqətimizin” olması ilə bağlıdır.

Bundan əlavə, Bayden Ağ Evdəki həyatından danışıb. Xüsusilə, həyat yoldaşı Jillə birlikdə səhər yeməyi hazırladıqları barədə danışıb.

“Jill və mən orta sinifdən bir yerdəyik, kolleci bitirmişik, çox işləmişik, valideynlərimiz, bu barədə danışmaq istəmirəm. Bir sözlə, bizə xidmət göstərməyə öyrəşməmişik. Ağ Evdə isə, sizə səhər yeməyi bişirəcək, paltarlarınızı qatlayacaq, çantalarınızı gətirən kimsə var. Hamısı gözəl işçilərdi, amma bizim öz qaydalarımız var. İkinci mərtəbədə mətbəxi idarə edən oğlan gəlib səhər yeməyimizi bişirmək məcburiyyətində deyil. Biz özümüz yumurta bişirə bilərik və ya qabın içindəki dənli bitkilərin üzərinə süd tökə bilərik.”, – deyə prezident bildirib.

Aparıcı Cimmi Fallon soruşdu ki, dövlət başçısı həqiqətən yumurtaları özü bişirirmi? Buna Bayden cavab verdi: “Mən – yox, amma Jill – bəli” – və aşpaz kimi yararsız olduğunu etiraf etdi.

Verilişin yüngül janrına baxmayaraq, prezident daha çox ciddi şeylərdən – infrastruktur islahatları planlarından, peyvənd almaq zərurətindən, respublikaçılarla fikir ayrılıqlarından danışıb.