Pele: Braziliyalı əfsanə xəstəxanadadır

Üçqat Dünya Kubokunun qalibi sentyabr ayında yoğun bağırsağın şişini çıxarmaq üçün, cərrahiyyə əməliyyatı keçirdi, xəstəxana onun da kimyaterapiyaya ehtiyacı olacağını söylədi.

São Paulo Xəstəxanası Albert Eynşteyn 81 yaşlı xəstənin vəziyyətinin stabil olduğunu və yaxın bir neçə gün ərzində evə buraxılacağını bildirib.

Xəstəxanadan Pelenin müalicəsinin “davam etdiyi” də bildirilib.

Pele keçən ay tvitter hesabında sentyabrda xəstəxanadan çıxandan sonra, özünü “yaxşı” və “hər gün daha yaxşı hiss etdiyini” yazmışdı.

O, müayinələr zamanı şiş aşkarlanandan sonra, avqustun 31-dən xəstəxanada müalicə alır.

Pelenin səhhəti son illər narahatlıq doğurur. O, 2015-ci ildə prostat vəzindən əməliyyat olunub, 6 ay ərzində ikinci dəfə xəstəxanaya yerləşdirildikdən sonra, 2019-cu ildə sidik yollarının infeksiyası ilə yenidən xəstəxanaya yerləşdirilib.

Pele 92 oyunda 77 qol vuraraq Braziliyanın ən yaxşı bombardiri və dörd Dünya Kuboku yarışlarında qol vuran dörd oyunçudan biridir.