Şok Xəbər: Böyük Britaniya parlamentində kokain istifadəçiləri aşkarlanıb

İngiltərədə parlament binasındakı 12 tualetdən 11-də narkotik maddə olan kokain izlərinin tapıldığı və polis tərəfindən araşdırılacağı bildirilib.

İngiltərənin paytaxtı Londonda Westminster Sarayı kimi tanınan parlament binasında narkotik istifadəsi ilə bağlı şübhələrin ortaya çıxmasından sonra, parlament sədri Lindsay Hoyle “narahatedici iddialar” səbəbiylə polislə işləyəcəyini bildirib. Böyükşəhər polisinin hadisəni araşdırmasını istədiyini deyən Hoyl, bu məsələnin bu həftə prioritet olaraq müzakirə ediləcəyini bildirib.

Hoyle xəbərdarlıqlara baxmayaraq, qurumun nüfuzunu pozanlara qarşı sanksiyaların sərt olacağını vurğulayıb.

Baş nazir Consonun ofisinin yaxınlığında da narkotik tapılıb

Xəbərlərə görə, Britaniya parlamentinin binasındakı bir çox tualetdə narkotik kokainin izləri tapılıb. İngiltərə mətbuatında çıxan xəbərdə Parlament binasında yoxlanılan 12 tualetdən 11-də kokain izlərinin tapıldığı, narkotik izlərinin isə, İngiltərə baş naziri Boris Conson və daxili işlər naziri Pritinin ofisləri yaxınlığında tapıldığı bildirilib.

Eyni zamanda xəbərdə bildirilir ki, bir il ərzində parlamentdə 2 narkotik alverçisi tutulub, 13 nəfər isə, parlamentin yaxınlığında narkotik maddə saxladıqları üçün saxlanılıb.

Narkotik maddələrdən istifadənin qarşısının alınması ilə bağlı yeni planlarını təqdim edən hökumət, narkotik cinayətlərində təqsirli bilinənlərin pasportlarının və ya sürücülük vəsiqələrinin müsadirə ediləcəyini, cinayətkarların isə, həbs və cərimələrə məhkum ediləcəyini bildirib. Böyük Britaniyada qanuna görə, kokain də daxil olmaqla, A sinfinə aid narkotiklərin saxlanmasına görə, maksimum cəza 7 ilə qədər həbs, qeyri-məhdud cərimə və ya hər iki cəzanın da eyni vaxtda verilməsi qeyd edilib.

Mövzu ilə bağlı açıqlama verən Parlament Naziri Kit Malthouse xəbərlərə təəccüblənmədiyini ifadə edərək, “Parlamentdə narkotik izlərinə rast gəlinməsə” təəccüblənəcəyini dilə gətirib.