Diqqət: İngilis həkim qan təzyiqini aşağı salmağın sadə yollarını açıqlayıb

Gündəlik isti su vannaları, idman və nəfəs məşqləri qan təzyiqini aşağı sala və 2-ci tip diabet riskini azalda bilər.

İctimairey.az xəbər verir ki, bu barədə britaniyalı həkim Maykl Mosli öz məqaləsində bildirib.

Mosley bildirib ki, son tədqiqatlar 2 -ci tip diabetlə hipertoniya – yüksək qan təzyiqi arasında güclü əlaqə olduğunu göstərir. O, xüsusi qeyd edib ki, bu xəstəliklərin birləşməsi infarkt və ya insult riskini 4 dəfə artırır.
Mütəxəssis əlavə edib ki, təzyiqin aşağı salınması həm də 2-ci tip diabetin inkişaf riskini azaldır. Mosley bunun noyabr ayında The Lancet-də dərc olunan son araşdırma ilə dəstəkləndiyini vurğulayıb.

Həkim qan təzyiqini aşağı salmağa kömək edən bir neçə sadə üsul tövsiyə edir. Hipertansiyonun qarşısını almaq üçün, piylənmənin qarşısını almaq və çəkinizi izləməlisiniz. Duz qəbulunu azaltmaq və fiziki aktivliyi artırmaq lazımdır.

Qan təzyiqini azaltmağın yollarından biri də sadə mahnı oxumaqdır. Tədqiqatlar göstərir ki, mahnı oxumaq stress hormonu olan kortizol səviyyəsini aşağı salır və bu da qan təzyiqinin aşağı düşməsinə kömək edir.
Gündəlik isti su vannası qəbul etmək hipertoniyanın qarşısını almağa kömək edəcəkdir. İstilik qan damarlarının genişlənməsinə səbəb olur, ürəkdə olan stressi azaldır. Qan təzyiqini aşağı salmağın digər üsulları arasında həkim tənəffüs məşqlərini və yeriməyin də vacibliyini qeyd edib.