Şaxtada yanğın: Dəhşətli hadisə Kuzbassdakı Listvyazhnaya mədənində baş verib – FOTO

Nazirliyin məlumatına görə, Rusiyanın Baş Prokuroru Krasnovun tapşırığı ilə onun müavini Dmitri Demeşin Listvyajnaya hadisə yerinə gedib. Vəziyyət Rusiya Baş Prokurorunun xüsusi nəzarəti altındadır.

“Krasnov Rostexnadzor və Fövqəladə Hallar Nazirliyinin qüvvələrini cəlb etməklə regionun bütün şaxtalarında əməyin mühafizəsi və sənaye təhlükəsizliyinə dair qanunvericiliyin yerinə yetirilməsinə nəzarəti təşkil etməyi tapşırıb”, – məlumatda deyilir.

Son məlumatlara görə, Kuzbassdakı Listvyazhnaya mədənində baş vermiş fövqəladə hadisə nəticəsində ölənlərin sayı 11 nəfərə çatıb.

Bundan əvvəl Rusiya Fövqəladə Hallar Nazirliyinin rəhbəri vəzifəsini icra edən Aleksandr Çupriyanın hadisə yerinə uçacağı bildirilirdi.

“54 nəfər xəsarət alıb, onlardan 11-u ölüb”, – deyən mənbə əlavə edib ki, daha 36 şaxtaçının taleyi naməlum olaraq qalır.

Listvyajnaya mədənində tüstülənmə cümə axşamı təxminən saat 08:30-da (Moskva vaxtı ilə 04:30) Belovo şəhərinin Qramoteinski şəhər tipli qəsəbəsində baş verib. 285 mədənçidən 239-u səthə çıxarılıb, 44 nəfər yaralanıb.