Pərakəndə investorlar Trampla əlaqəli şirkətin səhmlərinin 422% -ni dağıdır

Minlərlə özəl investor ABŞ -ın keçmiş prezidenti Donald Trampın media biznes şirkətinin səhmlərinin NASDAQ birjasında almağa başlayıbdı.
Bloomberq yazır ki, özəl investorlar ABŞ -ın keçmiş prezidenti Donald Trampın media biznes SPAC -ın NASDAQ birjasında satışa çıxarılan səhmlərini almağa başlayıblar. Minlərlə istifadəçi sosial şəbəkədə birləşərək, Digital World Acquisition (DWAC) qiymətlərini dağıtmağa başlayıb. Maksimum artım 422%-ə çatıb, kotirovkalar isə, hər bir səhmə görə 52 dollara yüksəlibdi. Qəzet yazır ki, gün ərzində dəyişkənliyin artması səbəbindən birjada ticarət bir neçə dəfə dayandırılıb.
SPAC (xüsusi təyinatlı şirkət, satınalmalar üçün ixtisaslaşmış şirkət) bahalı IPO prosedurundan yan keçməklə özəl şirkətlərin siyahıya alınması üçün bir vasitədir. SPAC səhmlərini (adətən 10 dollar) birjaya yerləşdirərək kapital artırır və sonra maksimum iki il ərzində birləşmək üçün, perspektivli bir başlanğıc axtarır. Birləşdirilmiş şirkət SPAC tərəfindən toplanan pulu alır və birjaya çıxarır. İki il ərzində yeni birləşmə şirkəti tapa bilməsə, SPAC vəsaitləri investorlara qaytarır.
21 oktyabr cümə axşamı keçirilən birja nəticəsində qiymətli kağızlar 356.83% – hər səhmə görə 45.5 dollara qədər yüksəlib. Cümə günü keçirilən ilkin ticarətdə isə, Digital World Acquisition səhmləri daha 65% artaraq, 75,51 dollara çatıb.
Amerika Birləşmiş Ştatlarının keçmiş prezidentinin media şirkəti Tramp Media & Technology Group (TMTG) kapital artırmaq və özəl şirkətləri siyahıya almaq üçün, xüsusi bir texnologiya şirkəti olan Digital World Acquisition Corp (SPAC) ilə birləşəcəyini açıqlayıbdı. Birləşən şirkətlərin dəyəri tərəflər tərəfindən borclar da daxil olmaqla, 875 milyon dollar olaraq qiymətləndirilir.
Cümə axşamı Digital World Acquisition Fidelity onlayn platformasında alıcılar arasında ən populyar səhm olub. Müştərilərindən bu səhmlərin alınması üçün, təxminən 55 min təklif gəlib. Bu, satın alınan ikinci ən böyük pay olan PayPal ödəmə sisteminin qiymətli kağızlarının alınması üçün edilən müraciətlərin sayından təxminən dörd dəfə çoxdur və Bitcoin birjası ETF ProShares Bitcoin Strategydən (BITO) 8 dəfədən çoxdur.
SPAC şirkəti, məşhur treyderlərin Stocktwits arasında, eləcə də GameStop və AMC Entertainment Holdings -in “meme səhmləri” ilə populyarlıq uğrunda mübarizə apardığı Reddit platformasındakı özəl investorlar üçün, WallStreetBets forumunda ən məşhur şirkət olub.

İctimairey.az