Dəhşətli faciə. – Elbrus can aldı: 5 alpinist öldü, 14 -ü xilas edildi

Kabardino-Balkariyada Elbrus dağına qalxma zamanı 5 alpinist öldü, yürüşün 14 iştirakçısı xilas edildi. Təxminən 5400 metr yüksəklikdə olan insanları axtarış və xilasetmə əməliyyatı yeddi saatdan çox davam edib.
“Elbrus dağında bir qrup alpinistin axtarış -xilasetmə əməliyyatı zamanı 14 nəfər xilas edildi, onlar qar təmizləyicilərin vasitəsi ilə [xüsusi paletli maşınlarda] Azau talasına təxliyə edilib və həkimlərə təhvil verilib. Təəssüf ki, 5 nəfər ölüb”.
İctimairey.az xəbər verir ki, bu barədə RF-nın Fövqəladə Hallar Nazirliyinin Mətbuat Xidmətindən məlumat verilib.
Fövqəladə Hallar Nazirliyinin Kabardin-Balkariyadakı baş idarəsinin rəisi Mixail Nadejinin sözlərinə görə, çoxlu alpinist yaralanıb.
“Şaxta vurması səbəbindən alpinistlər şiddətli donmaya məruz qalıb. Bəzilərində əl-ayaq sınıqları var. “FəlakətTəbabəti” qrupu onları, demək olar ki, 4000 metr yüksəklikdə qarşılayır”, – deyə, Nadejin Mətbuat Xidmətinə bildirib.
Nadejin onu da bildirib ki, yeddi saatdan çox davam edən xilasetmə əməliyyatı artıq tamamlanıb.

Esmira ŞÜKÜROVA İctimairey.az