Qulu Ağsəs Vaqif Poeziya Günlərində niyə iştirak etməyib?

“Ulduz” jurnalının baş redaktoru, şair-publisist Qulu Ağsəs Şuşada keçirilən Vaqif Poeziya Günlərində iştirak etməməsinin səbəbini açıqlayıb.

İctimairey.Az xəbər verir ki, Qulu Ağsəs Teleqraf.com-a Şuşaya gedə bilməməsini səhhəti ilə əlaqələndirib: “Səhhətimdə problem var, müalicə alıram. Vaqif Poeziya Günlərinə dəvət edilmişdim, müalicəmə görə tədbirdə iştirak edə bilmədim”.

“Şuşaya dəvət edilən yazıçıların siyahısından razısınızmı?” sualına o: “Siyahıya baxmamışam, bu haqda məlumatlı olmadığıma görə bir söz deyə bilmərəm”, – bildirib.

Qulu Ağsəsin fikrincə, 39 ildən sonra Vaqif Poeziya Günlərinin keçirilməsi, Molla Pənah Vaqif məqbərəsinin açılması, Şuşada böyük bir tədbirin keçirilməsi təkcə ədəbiyyat hadisəsi deyil, həm də siyasi hadisədir.